1957an egin zen lehenengoz Zeledonen jaitsiera

Txapela buruan, ohiko blusa soinean eta aterkia eskuan du Zeledonek. Gasteiztar talde batek hiriko jaiei ukitu berezi bat emateko nahia zuen, eta, beraz, Zeledonen jaitsiera egitea erabaki zuten. Gainera, Arabako nekazariengana gerturatu nahi zuten pertsonaia honekin. Izan ere, tradizioaren arabera, Zalduondon (Araba) jaiotako baserritar bat da, baina historialari guztiek ez dute bat egiten ideia horrekin. Pertsonaia gorpuztu zuen lehena Jose Luis Isasi izan zen. Irudian, Isasi, Gasteizko Udaleko balkoian, 1957an.