Musika eta, batez ere, albokaizango da nagusi asteburuan Hernanin (Gipuzkoa). Alboka doinuek alaituko dute bihar eta etzi herriko kaleak, Euskal Herriko Albokarien 18. Topaketen harira. Egitarau zabala prestatu dute ostiral eta larunbaterako.
Ostiralean ekingo diote topaketari, Bizkaiko Adarrots taldearen emanaldiarekin. 19:30ean izango da ekitaldia, Sandiusterri aretoan.
Larunbatean izango dira ekitaldi gehienak. 10:30ean, Alboka Midi-aren aurkezpen tailerra egingo dute, pandero jotzaile, albokari eta albokazale guztientzat.
Eguerdian, albokari taldeak herriko kaleetan barna ibiliko dira. Jarraian, albokariekin herri bazkaria egingo dute Santa Barbara elkartean.
Albokaldia ekitaldiarekin itxiko dute aurtengo topaketa, 18:00etan. Euskal Herri osotik etorritako albokari taldeek emanaldia emango dute Ezkiaga Pasealekuan. Halaber, alboka egileen azoka erakusketa izango da.
ALBOKA EGUNA
Zer. Emanaldiak, bazkaria, azoka...
Non. Hernani (Gipuzkoa).
Noiz. Bihar eta larunbatean.
Asteburuko proposamenak
Alboka doinuak astebururako
Hernani. Euskal Herriko Albokarien Topaketaren karietara, egitarau zabala prestatu dute
Iruzkinak
Ez dago iruzkinik
Ordenatu
