Amurrion Artzain Eguna antolatu dute iganderako

AMURRIO. Bi urteko etenaldiaren ondoren, igandean egingo dute Artzain Eguna Amurrion. Aurreko urteetan legez, udalerriko nekazari sektoreak jasaten duen egoera zailaren berri emateko ekintza prestatu dute ostiralerako: Artzaingintza Gorobe Mendilerroan lana aurkeztuko dute Amurrioko Antzokian, arratsaldeko zazpietan. Igandeko jaian, bestalde, 15.000 lagun biltzea espero dute. Ekitaldi nagusiak latxa ardien XVIII. herrialde arteko lehiaketa eta Idiazabal jatorri izeneko V. artzain gaztaren lehiaketa izango dira, 10:30etik 14:30era. 18:00etan, berriz, artzain txakur lehiaketa egingo dute.