Antonio Virgili izendatu dute Fortaren buru

MADRIL. Forta Irrati eta Telebista Autonomikoen Federazioaren presidente izendatu dute Antonio Virgili. Asturiasko Irrati Telebistako burua da Virgili, eta Aragoiko Irrati Telebistaren Korporazioko Teresa Azcona ordezkatu du. Virgilik informazio zientziak ikasi zituen Iruñeko Opuseko unibertsitatean, eta irakasle jardun zuen han. Kateen arteko lankidetza indartuko duela esan du. EITB federazioko kidea da.