Areetako hondartza garbitu dute ikasleek

GETXO ›Theresa Zabell bela munduko txapeldun ohia izandakoak lagundu ditu ikasleak garbiketa lanetan. Itsasaldiek hondartzara ekarritako zaborra jaso dute gaika, eta 250 metro hondartza garbitu dute. Ekimenaren helburua haurrei planetari errespetua izatea eta hura zaintzearen beharra helaraztea da, horretarako kirola baliatuz. Orotara, hogei haurrek hartu dute parte ekimenean.