Asiako nondik norakoak 'Berria.info'-n

INTERNET.Berria.info-ren blog komunitateak atzoz geroztik beste kide bat du: Asier Gabikagojeazkoa gazte bilbotarra. Asiarako bidaia hasi berri du, eta horren berri emango du, Asiaren nondik norakoak izeneko blogean. «Gurea bezalakoak diren beste kulturen gaineko jakin-minak bidaiatzera bultzatu ninduen», dio berak. Hainbat herrialde zeharkatuko ditu bidaia horretan. Pello Urzelai, Anjel Lertxundi, Maite Asensio-Araitz Rodriguez-Nerea Elias hirukotea, Pello Zabala, Juan Ignacio Perez Iglesias, Oier Guillan, Juan Luis Zabala, Bixente Serrano Izko, Juanma Sarasola, Asier Azpilikueta eta BERRIAko Kultura Saila dira Berria.info-ko beste blogariak. Egunkariaren Igandea gehigarriko Begia argazki atalak ere badu bere txokoa blogetan, baita Imanol Murua Uriaren papereko asteroko analisiek ere.