Azalorea

Aza taldeko barazkia da azalorea, oso energia gutxiko elikagaia. 100 gramoko 22 kilokaloria ditu bakarrik. Aproposa,beraz, argaltzeko dieta egin nahi dutenentzat. Zuntza ere badauka azaloreak. Zuntz kopuru hori lagungarria da idorreria sufritzen dutenentzat. Mineral aldetik, potasio, fosforo, magnesio eta kaltzioa dira azalorean nabarmentzen direnak. Potasioa ezinbestekoa da arteria tentsio handia duten pertsonentzat. Magnesio eta kaltzioak nerbio sistema erregulatzen du; fosforoa, aldiz, kaltzioarekin batera, onuragarria da hezurren osasunarentzat. Bitaminak ere baditu azaloreak: C bitamina eta azido folikoa, batez ere. Horiek metabolismoan parte hartzen dute, eta gorputz funtzio ugari erregulatzen.