Atarrabiako Hatortxu Rock jaialdian eta Andoaingo Bastero kulturgunean aritu ostean, Elgetako Espaloia aretoan emango du kontzertua gaur, 19:00etan, Bide Ertzean Tolosako taldeak.
1998tik, Ubeda anaiek eta Fran Aranzegik taldea sortu zutenetik, etengabe aritu dira Euskal Herriko txokoak pop doinuz alaitzen.
Deabruak Teilatuetan taldearen pop estiloko alternatiba akustiko gisa sortu zen taldea, eta zazpi bilduma kaleratu ditu jada. Azkena 2010eko udazkenean argitaratu zuten, Don Inorrez izenarekin, eta uste baino arrakasta handiagoa izan duela adierazi dute.
2011n, inoiz baino gehiago bidaiatu dute; Bartzelonan eta Londresen izan dira. Hala ere, aurtengo lehen hilabetean Euskal Herrian zehar aritu dira kontzertuak ematen. Gaur Elgetako Espaloia aretoan emango duten kontzertuaz gain, hilaren 13an, Eibarko arituko dira, Coliseoan, Mursego taldearekin batera, 20:30ean.
Gainera, 2012. urterako prest duten biran, azken diskoa grabatu duen boskotea arituko da kontzertuetan, aurreko urte bukaeran ez bezala, denak baitaude gogo betez. Fran Iturbe eta Joseba Senperenarekin berriro agertoki gainean aritzeaz pozten direla esan dute.
BIDE ERTZEAN
Non. Elgetako Espaloian.
Noiz. Gaur, 19:00etan.
Bide Ertzean Elgetan
'Don Inorrez' diskoaren birako hurrengo geltokia Elgetako Espaloia aretoan izango da, gaur, 19:00etan
Iruzkinak
Ez dago iruzkinik
Ordenatu
