Bilbo Hiria irratiak auzoz auzo jarraituko du

BILBO. Programazio berriari ekin dio Bilbo Hiria irratiak, eta, aurten ere, larunbatetan auzoz auzo ibiliko dira. Hilaren 29an egingo dute auzoetako aurreneko emankizuna, Uribarrin. Martxan dira, bestalde, Ibaizabal magazina, Piperpolis kultur saioa, eta Soinugela, Musibla eta 11 Ispilu musika irratsaioak. Gaur eta bihar, Osasuna eta Hizkuntza jardunaldien berri emango dute.