'Downton Abbey' telesaila erosi du Antena3 kateak

TELEBISTA. Erresuma Batuan lortu duen arrakastaren ondoren, Antena3k Downton Abbey telesailaren eskubideak erostea erabaki du. Aristokraziako familia bateko kideen arteko liskarrak eta maite harremanak ikusi ahal izango dira laster Antena3 katean. Erresuma Batuan ITV katean eskaini zuten telesaila; %35eko ikusle kuota lortu zuen lehenengo denboraldian. Bigarren denboraldia prestatzen ari dira dagoeneko.