EkoBira azoka iraunkorra ren bigarren aldia da aurtengoa. Ekainaren 2an hasi zuen ibilbidea Gipuzkoako hainbat herritatik zehar; bihar, Donostian izango da azkenekoa, Konstituzio plazan.
Elikaduraren alorrean, energia kontsumoan, aisialdian eta bizitzako beste hainbat eremutan, jarrera iraunkorragoa izateko aukera dagoela erakustea da EkoBira azokaren helburu nagusietako bat. Beste kontsumo era bat posible dela, alegia. Azokak ingurumenean eragin edo inpaktu txikiagoa duten produktu eta zerbitzu ekologikoak zabaldu nahi dizkie herritarrei.
10:30ean zabalduko dira postuak. Denetarik aurkitu ahalko da: gozokiak, Idiazabalgo gazta, eztia, arropa ekologikoa, bitxiak, larruzko karterak eta poltsak, eguzki energiaz funtzionatzen duten haur jostailuak, xaboiak, ukenduak, pixoihalak, bizikleta elektrikoak, eta abar. Guztira, 30 postu inguru egongo dira herritarren eskura. Gainera, aurtengo azokak berrikuntza batzuk ere baditu. Egun osoan, iraunkortasunerako ona den bizimodu bat nola egin azaltzen duten tailer eta hitzaldiak egongo dira; taberna ekologiko bat ere izango da, baita bigarren eskuko salmentarako eremu bat ere.
EkoBira azokan produkturen bat erosten dutenenei, zenbaki bat emango diete, egunaren bukaeran Kutxa Ekogunean egingo den zozketan parte hartzeko.
EKOBIRA AZOKA
Gaur, 10:30ean. Kontsumo iraunkorraren aldeko azoka.
EkoBira azoka, azken geltokian
Donostiako Konstituzio plazan izango da kontsumo iraunkorra bultzatzen duen azoka, 10:30ean
Iruzkinak
Ez dago iruzkinik
Ordenatu
