Lapiko batean esnea irakiten jarri, eta irakitean, aurreko nahasketa lapikora gehitu. Bost bat minutuz irakin, eta etengabe nahastu, itsats ez dadin. Honela krema goxo bat aterako zaigu.
Lapikoa sutatik kendu, birrindutako 2 limoien azalak gehitu eta ongi nahastu.
Tartak egiteko egokia den ontzi batean ore hautsia edo hostorea azpian jarri, eta limoizko krema bertara isuriko dugu.
Labea berotzen jarri 180 graduan. Beroa dagoenean, tarta sartu, eta 30 minutuz labean eduki. Denbora horretan, tartaren oinarria ondo egosiko da barrutik, eta tartaren gainaldeak ere urre kolore polita hartuko du. Atera ostean, hozten utzi, eta jateko prest izango dugu etxeko gozo goxoa.
OSAGAIAK
4 pertsonarentzako osagaiak:
Hostorezko oinarria edo ore hautsiko oinarria
4 arrautza gorringo
2 arrautza oso
125 gramo azukre
50 gramo irin
Litro erdi baserriko esne
2 limoi
