Frantziako Le Monde egunkariko zuzendari Erik Izraelewicz herenegun hil zen, 58 urterekin, bihotzekoak jota. Astelehen arratsaldean ondoezik jarri zen, eta ospitaleratu egin zuten. Handik ordu batzuetara hil zen.
Kazetaritzan eta Komertzio Ganberan diplomatuta, Izraelewiczek kazetaritza ekonomikoan egin zituen urte gehienak. 80ko hamarkadan La Tribune egunkari ekonomikoaren sorreran parte hartu zuen. 1986an Le Monde-ko Ekonomia Sailean hasi zen, eta handik hiru urtera sail horretako arduradun izendatu zuten. 2000. urtean Le Monde utzi zuen, Les Echos egunkari ekonomikora joateko. Handik urte batzuetara La Tribune-ra itzuli zen, zuzendari lanak betetzera.
Iazko otsailean izendatu zuten Izraelewicz Le Monde-ko zuzendari, jabe berriak enpresara heldu ostean.
Komunikazioa
Erik Izraelewicz 'Le Monde'-ko zuzendaria hil da, bihotzekoak jota
Kazetaria ekonomian aditua zen; 'Les Echos' eta 'Le Tribune' egunkarien zuzendaria izan zen hainbat urtez
Iruzkinak
Ez dago iruzkinik
Ordenatu
