Erramu egunaren bezperako feria

Ohikoa izaten da feria egitea Erramu egunaren bezperan Bergaran (Gipuzkoa), eta aurten ere ez du hutsik egingo. 09:30etik aurrera, elikagai erakusmahaiak egongo dira Oxirondo plazan, eta Seminarioan, makinak, loreak eta zuhaixkak, besteak beste. Artisauek ere beraien leku propioa izango dute, eta 33 parte hartzaile izango dira, San Martin plazan. Txorimalo lehiaketa ere antolatu dute, eta, goizean, joaldunen eta trikitilarien hotsek alaituko dute giroa. Zezentxoak eta poneyak egongo dira arratsaldean, txarangarekin batera, 17:30ean; eta, 20:00etan, dantzaldia Aiko taldearekin.

Erramu zapatuko azoka

Gaur, 09:30ean, Bergaran (Gipuzkoa).