Erromatarren jardunaldiak egin dituzte, seigarrenez

ZARAUTZ. Erromatarren bizimodua hobeto ezagutu dute herritarrek ostiral eta larunbatean. Haurrentzako tailerrak egin zituzten atzo: erromatar jokoak goizean, eta duela 13.500 urte bezala pintatzen eta ehizatzen ikastekoa arratsaldean. Antzerkia, Santa Maria la Real arkeologia eta monumentu multzorako bisita gidatuak eta arkume errea dastatzea ere izan dira jardunaldietan, besteak beste.