Eskola 2.0 ekimenaren barruan, hainbat ordenagailu eramangarri banatu dituzte Araba, Bizkai eta Gipuzkoako eskoletan. Hasiera batean, bazirudien bosgarren mailako ikasle bakoitza bere eramangarriaren jabe izango zela eta bere lanerako tresna gisa, etxera eraman ahal izango zuela.
Berriki, Eusko Jaurlaritzak, eramangarri horien erabilera arautu du. Aurreikusita ez dagoen softwarerik ezin izango da instalatu Hezkuntza Sailaren Informatika Zerbitzuen baimenik gabe. Eramangarriaren jabetza Jaurlaritzarena da, eta ikastetxean erabiliko da. Ikasleak eramangarria etxera eraman nahi badu, bere tutoreak ikastetxeari luzatu beharko dio eskakizuna, eta ikastetxeak berak onartu beharko du eskaria. Azkenik, ikasleak ezin izango du oporraldian eramangarria berarekin eraman.
Eramangarri horiek eskolan geldituko direnez, bada esaten duenik eramangarriak baino mahaigaineko ordenagailuak aukera hobea liratekeela; merkeagoak dira eta iraupen luzeagoa izaten dute.
Eramangarrien aitzakian ere, ikastetxeetan sortu ziren wifi sareen beharra ere kolokan jarri da.
Ebazpenaren testu osoa hemen: https://posta.irakasle.net/publico/Resolucion_Eskola_Publicos_c.pdf
Eskola 2.0, eramangarriak eskolan geldituko dira
Iruzkinak
Ez dago iruzkinik
Ordenatu
