Eztia

Ezagutzen den gozagarririk antzinakoena da, eta propietate sendagarri gehien dituena. Erleek loreen nektarretatik modu naturalean ekoizten dute. Glukosa, fruktosa, sakarosa kopuru txikiez eta beste osagai aktibo batzuez osaturik dago kimikoki. Azken arrazoi horrengatik kasu hauetan da gomendagarria: Gehiegizko nekea; lo egiteko zailtasunak; idorreria; arnas aparatuko gaixotasunak; gibeleko gutxiagotasuna; larruazaleko zaurientzat antiseptikoa da (zenbait infekzio eta zauri sendatzeko lagungarria da), eta, azukreak izan arren, ez du hortz esmalteetan inongo eragin kaltegarririk txantxarra sortzeko. Beraz, egunerokotasunean, hobe azukrearen ordez eztiaren aldeko apustua egiten badugu, esnea, kafesnea, jogurta, eta abar gozatzeko.