Frantziako Abri Castanet da haitzuloetako artearen lagin antzinakoena

Chauveteko zaldiak ziren haitzuloetako artearen aurkikuntzarik antzinakoena, 32.000 urteko datazioarekin. Harik eta Abri Castaneten (Frantzia) aurkitutako sabaiari datazioa eman dioten arte. Grabatu bakunak eta animalia formako margoak ditu 2007an lurrean aurkitu zuten sabai puskak, baita forma geometrikoak ere. Duela 37.000 urte egin zituzten kareharri bloke horretan, azken datazioaren arabera. Beraz, Homo sapiens-ek sekula egindako labar margo antzinakoena da. Karbono-14aren froga egin diete zoruan aurkitutako ikatz lagin batzuei. Emaitzek diote Aurignac aldiko antzinako gizakiek egin zituztela hala grabatuak nola margoak. Abri Castanet Montignac-Lascauxetik bederatzi kilometrotara dago.