Euskara, kondaira eta auzolana, Gartxot Eguna urtero ospatzen dute Itzaltzun (Nafarroa), Gartxot Ekimenak antolatuta. Larunbatean eta igandean egingo dute jaia aurten, eta egitarau oparoa prestatu dute horretarako.
Tik, tak, tik, tak.....#GartxotEguna19 hemen da, 2 egun besterik ez!!! pic.twitter.com/vLDPiJMMST
— Gartxot Ekimena (@Gartxot_Ekimena) 2019(e)ko urtarrilaren 16(a)
Hilaren 19an, Lezo Urreiztietari buruzko Jainkoak ez dit barkatzen filma aurkeztuko du Josu Martinez zuzendariak, 12:00etan, Ezkarozeko ibar etxean. Bermuta hartuko dute ondoren Itzaltzun, eta Asisko Urmeneta AztiHitza liburuaren bueltan ariko da 13:45ean, Anduña Ibaia elkartean. Bazkariaren ostean, bertso saio dinamikoa egingo dute Miren Artetxe, Aitor Mendiluze eta Unai Agirre bertsolariekin. Amoranteren emanaldia izango da 19:00etan, "herri musika eta esperimentazioa fusionatuz". Gathubik joko du segidan, eta haiekin batera, Ezekiel disko jartzaileak girotuko du afalostetik aurrerakoa.
Igandean, berriz, ibilian hasiko dute eguna. Ibilaldi musikatua —"edo ez"— egingo dute Elkorretara, 10:00etan, eta Porrotxen emanaldia 12:00etan. Bazkari autogestionatuarekin agurtuko dute asteburua.
Txartelak eskuratzeko, [email protected] helbidea jarri dute eskura.
