Googlek eta Facebookek Twitter erosi nahi dute

INTERNET. Google, Facebook eta beste enpresa handi batzuk Twitter sare sozialaren arduradunekin harremanetan jarri dira, hura erosteko aukeraz hitz egiteko. The Wall Street Journal egunkariaren arabera, Twitterren prezioa 7.700 milioi eurokoa da. Aipatutako negozazioek ez dute aurrera egin, eta ikusteko dago Twitterrekin zer gertatzen den. 2010. urtean, Twitterrek 34,6 milioi euroren irabaziak izan zituen. Aurten haren fakturazioa 76 eta 84 milioi euroren artean ibiliko dela espero dute.