Uztailaren 14a bitartean bisitatu ahal izango da Grimm anaien ipuinei buruzko erakusketa Donostian, Aieteko Kultur Etxean.Jacob eta Wilhelm Grimm anaiak munduan ezagunak egin ziren Haurrentzako eta etxeko ipuinak bildumagatik. Hain zuzen, iazko abenduan 200 urte bete ziren hori argitaratu zutenetik. Grimm anaiek egindako ipuin gehienak biltzen ditu, eta hura oroitzeko, besteak beste, 2013a Grimm urtea izendatu du Alemaniak —bertan jaio ziren, Hesse herrian—.
Ipuin trokelatuak eta ipuin bildumak ikusi ahal izango dituzte bisitariek: Txanogorritxu, Hansel eta Gretel, Hamelingo txirularia, Edurnezuri eta Errauskine, besteak beste. Haien ipuinak 160 hizkuntzatara itzuli dira, euren obraren zabalkundearen erakusle.
Grimm anaien omenezko erakusketa Donostian
Aieteko Kultur Etxean jarritako erakusketak euren ipuinetako pertsonaia eta pasarte batzuk erakusten ditu
Iruzkinak
Ez dago iruzkinik
Ordenatu
