Harriak pentsatzen

Gogoeta harri baten inguruan hitzaldia emango du gaur Bernardo Atxagak. Arte Ederretako Fakultateko Irudigintza Sailak antolatu du, Komikigintza ikasgaiaren barruan. Poesia, ipuingintza zein eleberria landu ostean, narrazioa eta saiakera jorratu ditu Atxagak azken liburuan: Txoriak kolpeka (Pamiela). Liburuko lehen lanean —Andoniren heriotza LSDaren argitan—, duela 800.000 urte gizaki batek izaniko istripuaz ari da. Bigarrenean —Pierrek dioena entzuten dut—, erlezaintzaren munduan murgiltzen da. Azkena, saiakera labur bat da, Lawrence Arabiakoaren inguruan.

'Gogoeta harri baten inguruan'

Gaur, 12:30ean, Arte Ederretako Fakultateko gradu aretoan, EHUko Leioako (Bizkaia) campusean.