Haur eta horren haur ez direnen gozamenerako

Baly baleak Bilboko kaleak hartu zituen beste urte batez Aste Nagusiko lehen igandean. Lagun ugarirekin iritsi zen, gainera; jirafa, lehoi, karramarro, olagarro eta beste. Balyk, gainera, ura botaz egin zuen ibilbide osoa, haurren gozamenerako, eta horren haur ez zirenentzako ere bai. Izan ere, beroari aurre egiteko sendagai aproposa eskaini zuen baleak.