Hego Uribe eskualdeko orain arteko hedabideak

Ez da Geuria Basaurin sortutako lehen hedabidea. 1987an, Basauriko lehen aldizkaria sortu zuten: El Social (gaztelaniaz). Bederatzi urte geroago euskaraz egindako gehigarria aurkeztu zuten: Berbaz. Baina hiru urtean baino ez zuen iraun. 1996an, Bost axola euskarazko aldizkaria ere sortu zen—1998ko apirilera arte iraun zuen—. 2000tik 2004ra, euskarazko beste aldizkari bat kaleratu zuten El Social-eko kideek. 2003ko abenduan, Arrigorriaga, Arrankudiaga, Ugao eta Zaramatoko informazioa biltzen zuen Artandape hilabetekaria jaio zen; 2005ko martxoan, argitaratzeari utzi behar izan zion. 2010eko urritik 2012ko urtarrilera, Berbaz aldizkaria argitaratu zuen Sustraiak fundazioak.