Gabon gauerako, formula bitxia erabiliko du ETB1ek, abenduaren 24an, Herri Txiki Kantari Euskal Kantuen Gauean izenburupean. Joan zen asteazkenean grabatu zuten, Mungian (Bizkaia).
Herri Txiki Infernu Handi-ren eta Gabonetan ohikoa den Euskal Kantuen Gaua saioen nahasketa izango da. Zuhaitz Gurrutxagak eta Mikel Pagadik aurkeztuko dute. Euskal Herriko bost alkate euskaldun jarriko dituzte kantuan: Juan Mari Aburto (Bilbo), Joseba Asiron (Iruñea), Michel Etxebeste (Maule), Eneko Goia (Donostia) eta Gorka Urtaran (Gasteiz). Bagare kanta abestuko dute. Horiez gain, kirol, kultur, telebista eta politika munduko jende ezaguna arituko da saioan.
'Herri Txiki...' eta 'Euskal Kantuen Gaua', nahastuta
Iruzkinak
Ez dago iruzkinik
Ordenatu
