IGELTSEROAK, ARRAZOI

Apustu berezia jokatu zuten igandean Iñaki Aierbe ataundarrak (ezkerrekoa) eta Iñaki Montoya tolosarrak. Igeltseroa da aurrena; harakina bigarrena. Lagunak izanagatik, haien arteko eztabaida bat argitzeko antolatu zuten aizkora apustua: 54 kana-erdiko enborra ebakitzea zuten lantegia, eta Aierbek, aizkolari ohia izaki, esku bakarrarekin osatu zuen saioa. 5 minutu eta 40 segundoan ebaki zuen enborra Aierbek; ia zortzi minutuan Montoyak. Eztabaidan, Aierbek arrazoi.