Iñaki Bergara aktorea hil da, 81 urterekin

AZPEITIA. Iñaki Bergara aktorea (Azpeitia, Gipuzkoa, 1935) hil zen atzo, gaixotasun baten eraginez. Bergarak hamar urtez Kaxkurriorena egin zuen ETB1eko Goenkale telesailean, 1995etik 2005era. 2006an, Lukasen rola jokatu zuen Balbemendi misteriozko telesailean, eta, 2009an, Brinkola telesailean aritu zen. Antxieta eta Lakrikun antzerki taldeetan aritu zen aktore lanetan, eta Aupa Etxebeste filmean ere azaldu zen. 2011n Txalo saria jaso zuen, Azpeitian.