Irailean Branducers 2011 topaketa Gasteizen

Marka komertzial bati lotutako ikus-entzunezko edukien sormena bultzatzeko asmoz, Branducers 2011 topaketa egingo dute Gasteizen irailaren 2an. Gasteizko III. Telebista eta Irrati Jaialdiaren harira egingo dute topaketa. Hamar orduz hitzaldiak, mahai inguruak eta marka eta ekoizpen etxeen arteko bilkurak egingo dituzte. Publizitate modu berrien onurez eztabaidatuko dute, eta markei lotutako edukien integrazioa aztertuko dute. Gonbidatuen artean hauek izango dira: Brent Friedman gidoilaria, Cindy Gallop IfWeRanTheWorld enpresako zuzendaria, Carlos Carrion BBVAko edukien saileko kidea eta YouTubeko ordezkariak.