Irudi berrituarekin itzuli da ETB2ra 'Date el bote' lehiaketa

Carlos Soberak gidatzen duen Date el bote lehiaketak zazpigarren denboraldia hasi zuen atzo (14:00). Irudia goitik behera aldatu dute; platoko dekoratuan, irudi grafikoan eta lehiaketan ohikoak diren mugimenduetan sumatuko dira aldaketak. Bestalde, saioak www.eitb.com web orria izango du laster, eta bertan lehiaketan parte hartzeko edo ikusle moduan joateko argibideak emango dituzte. Hilabete honetan 1.300. atalera iritsiko da ETB2ko lehiaketa.