Hiriko hainbat tokitan egingo dituzte Arzaken inguruko erakusketa osatzeko jarduerak.
San Telmo museoan
Zeharkako begiradak. Arzaken inguruko bizipenak kontatuko dituzte gastronomiaren munduko hainbat pertsonak, igande eguerdietan.
Ibilbide gastronomikoa. Ostiral batzuetan, ibilbidea egingo dute museoan, dastaketa batekin amaituz.
Sormen prozesua Arzaken laborategian. Hitzaldia, maiatzaren 30ean, 19:00etan.
Proiekzioak. Martxoaren 28an, Juan Mari Arzak, Etxe bat da mundua. Apirilaren 30ean, Mahaiak eta musak. Emakumeak Juan Mariren bidaide.
Sutondoan gure saltsan. Familientzako tailerrak, larunbat arratsaldeetan.
Gu ere Arzaken. Arzaken egin diren eztei bazkarietako argazkiak jasoko dituzte, erakusketan jartzeko.
Tabakaleran
Ardoaren ukiak. Ardo dastaketak egingo dituzte erakusketa zabalik dagoen artean.
Zinema. Juan Mari Arzaken film gustukoena emango dute ekainaren 15ean: Babetten oturuntza.
Basque Culinary Centerren
Sukaldaritza tailerrak. Juan Mari Arzak eta Pedro Subijanaren plater ospetsuenak prestatzen ikasteko tailerrak, maiatzeko eta ekaineko ostegunetan.
Donostian zehar
Elkartasun ibilbidea. Pintxoak dastatzeko postuak, Zaporeak proiektua babesteko.
Arzak bat eskatu. Pintxo bereziak egongo dira hiriko zenbait tabernatan.
JARDUERAK
Iruzkinak
Ez dago iruzkinik
Ordenatu
