Antzerkia dute egunotan Usurbilen (Gipuzkoa). Izan ere, Topa Eszenika antolatu du hirugarrenez Txerriki antzerki taldeak, eta antzerki emanaldi bat izango da egunero.
Atzo ekin zieten antzerki topaketei. Batetik, Interpretazioa Pertsonaiekin izeneko hiru eguneko ikastaroa hasi zuten. Eta, bestetik, Nik egin behar & Ko antzerki emanaldia izan zen Sutegi kultur etxean: Pantxika Lamurrek umorez eta akrobaziaz beteriko bakarrizketa bat eskaini zuen.
Gaur ere izango da zer ikusia: Erregea eta bufoia bertso antzerkia izango da Sutegiko oholtza gainean, 22:00etan. Unai Elizasuk zuzendurik, saioko erregea Igor Elortza bertsolaria izango da, eta bufoia, Ander Lipus aktorea, baina ez dira saioko bakarrak izango: gonbidatu berezi bat izango dute. Igandean Irrien Lagunak Klubaren Eguna izango dela eta, Porrotx pailazoa izango dute bidelagun.
III. Topa Eszenika 8 Begi antzezlanarekin amaituko da: Gilkitxaro antzerki taldearen eskutik, ikusmenaren inguruko komedia batez gozatzeko aukera izango dute bertaratzen direnek. Ane Zabala eta Galder Perez aktoreek munduari begiratzeko beste modu bat eta bizitza ikusteko beste oinarri bat aurkituko dute antzezlan horretan.
III. TOPA ESZENIKA
Non. Sutegi kultur etxean (Usurbil).
Ordua. 22:00etan.
Gaur. Erregea eta bufoia, Porrotxekin.
Jarrai dezala ikuskizunak
III. Topa Eszenika antolatu dute Usurbilen: antzerki emanaldiak izango dira Sutegi kultur etxean
Iruzkinak
Ez dago iruzkinik
Ordenatu
