Juan Mari Iraolagoitia irrati esataria hil da

BILBO. Juan Mari Iraolagoitia hil da, Bilboko Herri Irratian euskarazko programazioa martxan jarri zuena eta Bizkaia Irratiko lehen zuzendaria. Iraolagoitiak 30 urtez egin zuen lan Bilboko Herri Irratian; Julian Olazabalaga apaizak egin zion proposamena euskarazko programazioari ekiteko. 1990ean sortu zuten Bizkaia Irratia, eta tartean zen Iraolagoitia. 2014an Lauaxeta saria jaso zuen, beste aitzindariekin batera.