Euskal Herriko hainbat aretotan proiektatu ostean, Maia Iribarnek eta Paxkal Irigoienek zuzendutako Bañolet euskarazko filma emango du Kanaldudek bihar, 21:00etan. Hilaren 23an berriz emango dute, ordu berean, baina ez da oraingoz Kanalduden nahieran zerbitzuan egongo —aurrerago egingo dute hori—.
Fikziozkoa da Bañolet tokia, Frantziako mendekotasunetik askatu den herria. Bertan, nerabe gazteak heldutasunera pasatzeko erritu bat egiten dute. Egileen arabera, filmak umorea badu, baina drama ere bai. Egoera absurdoak eta poesia nahasten dira istorioan, halaber. Funtsean, testuinguru politiko batean eraiki den herri bat asmatu zuten zuzendariek, «populu zapalduek birkonkistatu duten lurralde batean kokatuz». Eiheralarren (Nafarroa Beherea) grabatu zuten filma, bertako herritarrak aktore jokoan murgilduz.
Kanaldudek 'Bañolet' filma emango du bihar eta hilaren 23an
Iruzkinak
Ez dago iruzkinik
Ordenatu
