Kantak abesten eta dantzatzen, kalerik kale

Patata tortillen lehiaketarekin hasi zuten eguna piratek atzo. 11:30erako tortilla guztiak han egon behar bazuten ere, bi bakarrik zeuden ordurako. Azkenean, zortzi patata tortilla izan ziren. Epaimahaikoak lanean ari ziren bitartean, Kantujira hasi zen. Euskal kantu ugari eta jai giroa izan ziren, guztiak alai eta dantzan. Batzuk baserritarrez jantzita, Bagare Euskal Herria abestiarekin hasi ziren. Kaleetan ibili eta gero, lehiaketako pintxoak dastatzera itzuli ziren kantuan.