Ziztu bizian zeharkatu dituzte Iruñeko Alde Zaharreko kaleak Miura ganadutegiko zezenek, eta abiada handian lasterka eginarazi diete korrikalariei.
Gaurkoan, korrikalari ugari erori dira lurrera, estropezu eginda, eta zezenek hainbat korrikalari kolpatu dituzte.
Tarterik arriskutsuena zezen plazara sartu aurreko azken bihurgunean izan da. Hainbat korrikalari gelditu dira bihurgunearen kanpoaldean, eta zezenetako batek korrikalari bat heldu du adarrarekin kamisetatik eta lepoko zapi gorritik. Hainbat metrotan eraman du korrikalaria, arrastaka.
[youtube]https://youtu.be/3puv_98QbjE[/youtube]
