'LA JUNGLA SONORA'-K, 5.000 SAIO

Radio Euskadiko La Jungla Sonora musika programak 5.000. saioa egin zuen joan den ostegunean. Joseba Martin esatariak Travellin' Brothers Big Band musika taldea gonbidatu zuen egun horretarako. Saioak 2009. urtean Ondas saria jaso zuen, «hogei urtean erakutsitako kalitatearengatik». Horrez gain, 5.000. saioa ospatzeko festa berezia egingo dute etzi EITBren Bilboko egoitzan (19:00). Festa horretan, The Cherry Boppers taldeak joko du eta ondoren Makala DJk jaia girotuko du.