Landare bereziak, gertuago

Landare Berezien 14. azoka egingo dute asteburuan Iturrarango Lorategi Botanikoan. Aurten, 48 mintegi bilduko dira Aiako parkean (Gipuzkoa): Euskal Herriko jendea ez ezik, Frantziakoa, Italiakoa eta Espainiakoa ere izango da tartean. Mundu osoko landareak ikusteko eta erosteko aukera egongo da, eta, bide batez, ezezagunak izan daitezkeen landareak ezagutzekoa: haragijaleak, fruitudun landare exotikoak... Azokan, jateko eta edateko postuak izango dira, eta inguruko produktuak erosteko aukera ere egongo da. Haurrek jolasteko gune bat aurkituko dute, eta hitzaldiak izango dira helduentzat.

Landare Berezien Azoka

Gaur eta bihar, Aiako Iturrarango Lorategi Botanikoan (Gipuzkoa).