Reyes Ilintxeta (Iruñea, 1968) Euskalerria Irratiko esatariaren esanetan, sanferminetan ezin da inprobisaziorik falta. Etxetik ateratzen zarenetik itzuli arte ezin da jakin zer gertatuko den.
Une bat?
Txupinazoa da politena, dena hasten delako. Festarako ilusioa berritzen du, urtero berriro hasteko aukera da.
Txoko bat?
Zaldikoren inguruan beti lagun pila aurkitzen dituzu, baita Gazteluko plazako dantzetan ere. Lagunekin topo egiteko toki asko daude.
Edari bat?
Otordu on baten ondoren, rona coca-colarekin.
Katxia ala basoa?
Katxia, horrek esan nahi duelako lagunekin zaudela, kuadrilla handian.
Sanferminak: gauez ala egunez?
Lehen, gauez; orain, egunez. Adinaren kontua da, eta, gainera,haurrekin ibili beharra... Lehen, afari gehiago egiten genituen; orain, bazkariak.
Sanferminak. Reyes Ilintxeta. Euskalerria Irratiko esataria
«Lehen afari gehiago egiten genituen, orain bazkariak»
Iruzkinak
Ez dago iruzkinik
Ordenatu
