Les voies du destin

Zuzendaria: Jonathan Teplitzky. Aktoreak: Colin Firth, Nicole Kidman, Jeremy Irvine, Stellan Skarsgard, Hiroyuki Sanada, Sam Reid, James Fraser, Marta Dusseldorp. Iraupena: 116 minutu. Generoa: Drama. Herrialdea: Australia. Urtea: 2013.

Benetako istorio lazgarri bat kontatzen du Les voies du destin filmak; hain zuzen ere, Eric Lomax Britainia Handiko armadako ofizialaren bizia du oinarri.II. Mundu Gerran, 1942ko Singapurreko kanpainan, japoniarrek bahitu zuten. Esklabo gisa, Birmania eta Thailandia arteko trenbidea eraikitzen aritu zen, beste hainbat gerrako presorekin batera. Trenzale amorratua zenez, bidearen mapa oso zehatza egin zuen, eta, horregatik, espioitzat jo zuten japoniarrek, eta Japoniako polizia sekretuen esku utzi zuten. Torturak jasan arren, bizirik atera zen, eta Jonathan Teplitzkyk haren kontakizunei esker egin ahal izan du filma.