Lo faltak burmuinaren eremu batzuk 'lokartzea' eragiten duela baieztatu dute

Ordu askoan esna dagoen banako baten burmuinean lokartu egiten dira eremu batzuk; lo faltak eragiten duen funtzio kognitiboen gainbehera azaltzen du lokartze horrek. Halaxe dio Nature aldizkarian argitara emandako ikerketa batek. Wisconsineko unibertsitatean (AEB) arratoiekin egindako esperimentuetan ikusi dutenez, neurona batzuk itzali egiten dira denbora batez, burmuinean lo falta dagoenean. Lo galduak eragiten duen arretaren eta oro har funtzio kognitiboaren gainbehera ezaguna zen, baina ez gainbehera horren atzean dauden prozesu neuronalak. Orain bai. Tokian tokiko loaldi txikiak gertatzen dira ordu gehiegitan esna dagoen burmuinean.