Haurren egunarekin eta politikarien bisitariekin hasi zen Lurrama azoka atzo. Laborantza herrikoiaren sustatzaile, laboraria eta kontsumitzailearen arteko harremana hurbiltzeko xedearekin antolatu azokara 1.200 bat haur bildu ziren. Politikariei dagokienez, hainbat ordezkari joan ziren, hainbat alderdi eta kargutakoak. Aurtengo berritasun nagusia lekua bera da. Baionatik Miarritzeko bidea hartu baitu Lurramak lehen aldiz, bere seigarren ekitaldian aireportuaren ondoan dagoen Irati aretoa bereganatuz. Lehen egunaren arrakastak parioa ona izan dela erakutsi die.
Eremua zabaltzeko aukera ematen die guneak, haatik, Lurrama ezagutzen dutenek ez dute galtzeko arriskurik. Usaian bezala, hitzaldiak, merkatuak, ostatuko giroak, jateko lekuko mozkinak eta hainbat animazio aldizkatzen dira. Gaur segituko dute horiek 10:00etatik 03:00ak arte, eta bihar 10:30etik gauerdira arte. Guztia Ba ote dugu oraindik laborarien beharra? galderaren oinarri antolatua dute, gomit berezia Bretainia dutela.
Lurrama azokak bereganatu du Miarritze
Irati aretoaren parioa ona izan dela erakutsi du lehen egunak; gaurkoa eta biharkoa ere aberatsak izanen dira
Iruzkinak
Ez dago iruzkinik
Ordenatu
