Marmitakoak kozinatzen Gipuzkoa plazan

Aste Nagusiko 9. Marmitako Txapelketa egin zuten, atzo goizean, Donostiako Gipuzkoa plazan. Jose Ignacio Martinez eta Pepe Perez izendatu zituen epaimahaiak irabazle; Irungo (Gipuzkoa) Kurpil elkarteko kide dira aurtengo irabazleak. Orotara, hamazazpi bikotek parte hartu zuten atzo. Elena Arzak, David De Jorge eta Martin Berasategi sukaldariek, besteak beste, egin zituzten epaile lanak marmitakoak aukeratzeko orduan. Gaztelubide elkarteak eta BM Supermerkatuak antolatzen dute urtero Marmitako Txapelketa.