METEORITOAK BERTATIK BERTARA

Unibertsoak betidanik liluratu du gizakia, eta hamaika kondaira eta ipuinen inspiriazio iturri izan da. Hendaiako Larretxean (Lapurdi) meteoritoei buruzko erakusketa bat ikus daiteke, eta zerutik lurrera jausten diren harkaitzen mundua sakonki aztertzeko aukera ematen du. Meteoritoak gertutik erakutsiko dituzte, eta harri horiek zergatik eta nola erortzen diren lurrera azalduko diote bisitariari. Hilabete honetarako, gaian sakontzeko hainbat hitzaldi prestatu dituzte.