Modu berezi batean ezagutu ahal izango dira larunbat honetan Astizko Mendukilo kobazuloak. Hain zuzen ere, musikariz eta bertsolariz osatutako ekitaldia antolatu dute goizerako. Maialen Lujanbio, Oskar Estanga eta Julio Soto bertsolariak ariko dira Arkaitz Goikoetxearen esanetan. Musikari dagokionez, Aralar eskolako musikariak egongo dira, eta, haiekin batera, Gabari eta Axandalo kantari taldeak ere bai. Larraungo Eguneko batzordeak antolatu du ekitaldia.
Aldez aurretik izena eman beharko du emanaldia ikustera joan nahi duenak; horretarako, bi bide daude: batetik, (0034) 608-62 36 04 telefonora deituta; eta bestetik, [email protected] helbidera idatzita. Sarrerak bi euro balioko du helduentzat, eta haurrentzat, berriz, euro bat.
2005. urtera arte espeleologo eta abenturazale gutxi batzuen eskura zeuden Aralarko erraiak, baina urte horretako udaratik aurrera edonork ikuskatzeko moduan jarri zituzten Astizko Mendukilo leizeak. Geroztik, bisitari ugari jaso dituzte.
MUSIKA ETA BERTSO EMANALDIA
Non. Astizko Mendukilo kobazuloetan (Nafarroa).
Noiz. Larunbat goizean.
Asteburuko proposamenak
Musikak eta bertsoek lagunduta, lur azpira
Astitz. Mendukilo leizeetan, musikaz eta bertsoez osatutako emanaldia eskainiko dute larunbatean
Iruzkinak
Ez dago iruzkinik
Ordenatu
