Okilak ere arotz izan daitezkeela ikasteko

Haritz eta pago zaharrez osatutako baso zabaletan bizi ohi dira okilak, bai bederen Euskal Herrian, urte osoan. Udaberrian, ordea, habiak egiteko garaia izaten dute, bikoteka, eta, gehienetan, enborretako eremu garaienetan egiten dituzte. Zuloak izaten dira, hegazti horiek arotzak ere baitira, eta babeslekutzat erabiltzen dituzte beren arrautzak txitatzeko. Gipuzkoako Parketxe Sareak horretaz gozatzeko bisita gidatuak antolatu ditu. Bihar izango da bigarrena, Lizarrusti parketxetik (Ataun, Gipuzkoa) aterata, 10:00etan, bost euroren truke. Baina parte hartu ezin duenak izango du horretarako beste aukera bat, Aiako Harrian, maiatzaren 29an.

Okilak ikusteko bisita gidatua

Gaur, 10:00etan, Lizarrustiko parketxean, Ataunen (Gipuzkoa).