Madalenetarako motorrak berotzeko, Erromeria Eguna dute gaurkoa Errenterian. Hamaiketakoaren ostean, herriko kale eta plazetan dantzan ibili dira 200 lagun inguru dantza poteoa eginez. Hiru geldialdi egin dituzte: Olaskoaga plazan, Zumardian eta alde zaharrean. Era berean, txistularien laguntzarekin egin dute toki batetik besterako joana.
Ordu erdi inguru egon dira plaza bakoitzean. Bitartean, parte hartzaileek Aiko musika taldearen erritmora egin dute dantza. Gainera, inor gal ez zedin, Patxi Laborda dantza maisuak gidatu du saioa.
