Imaginart Kataluniako taldeak Sensacional ikus-entzunezko emanaldi parte-hartzaileaegingo du Bilboko Berreginen museoan.
18 hilabetetik 3 urte arteko umeentzako ekitaldiak, ikusmen eta entzumen esperientzia harrigarria lortzea du helburu. Lurzoru zuri eta bigunean ezarririk eta jantzi zuriak soineandituztelarik, alde guztietatik hedatzen diren irudi eta soinuen eztandarekin jolastuko dute txikiek.
Zentzumenak adi-adi dituztela, lurzoru arrunt bat dirudiena pantaila bilakatuko da. Ez lurzorua bakarrik, baita umeak ere, soinean dituzten jantzi zuriak direla medio. Irudiek eta soinuek umeak sentsazio espazio batean murgilduko dituzte.
Emanaldiak 18:00etan eta 18:45ean izango dira, eta bakoitzean 15 umek hartuko dute parte. Ikuskizuna doakoa da umeentzat, baina eurekin doazen helduek museorako sarrera ordaindu beharko dute.
Familiako txikienak jolasean dabiltzan bitartean, helduek Greziar simetria. Belleza al desnudo erakusketaz gozatu ahal izango dute. Erakusketan, edertasunak antzinako greziarrentzat zuen esanahia eta edertasuna ulertu ahal izango dute.
'SENSACIONAL'
Noiz. Gaur eta bihar 18:00etan eta 18:45ean.
Non. Berreginen museoan (Bilbon).
'Sensacional' ikuskizun ludikoa
Soinu eta irudiak nahasten dituen umeentzako ikuskizuna Bilboko Berreginen Museoan
Iruzkinak
Ez dago iruzkinik
Ordenatu
