Ttakun doinuak asteburu osoan

HERNANI. Egun handia larunbata izango den arren, abian da jada Hernaniko Txalaparta festa (Gipuzkoa). Aurreko asteburuan mendi ibilbidea egin zuten txalapartari historikoen baserriak lotuz. Gaur, berriz, txalaparta festaren 25. urteurreneko DVDa aurkeztuko dute Biterin. Bihar, Adabegi ikuskizuna izango da 19:30etik aurrera. Larunbatean, jaiaren egun handian, goizean, txalaparta tailerra egingo dute, eta jarraian, txalaparta saio libreak. 17:00etan egingo da festaren ekitaldi nagusia, bertsolari eta txalapartariekin.