Umeentzako lanak Bilbon

Gaurtik aurrera, haurrentzako hainbat ikuskizun taularatuko dituzte Bilboko Alondegian. Zirkua, ipuin kontalariak, clown eta magia ikuskizunak daude egitarauan, tartean estreinu bat: Marie de Jongh eta Tartean konpainiaren azken lana, Kibubu.

5 X 8 konpainiaren Un circo en la luna ikuskizunarekin zabalduko dute egitaraua, gaur, 18:00etan. 3 eta 4 urte bitarteko haurrentzat pentsaturiko ikuskizuna da. Ipuin kontalarien estilokoa da, baina, aldi ´berean, bideoak, musika eta argi pintura erabiltzen dituzte.

Gaurtik larunbatera, 17:00etatik 18.00etara, Soinuen Magia ikuskizuna taularatuko dute. 4 urte arteko haurrentzako ikuskizuna da, eta musikaren hainbat alderdi magiaren bidez ilustratzen ditu.

Egun horietan eta urtarrilaren 2, 3 eta 4an, Elur Malutak jarduera ikusi ahalko da, Alondegia beraren eta Mama Crea taldearen ekinbidez. Sei egunez, hainbat narratzailek zenbait herrialdetako eta zenbait gairi buruzko istorioak kontatuko dituzte.

Igandean, 18:00etan, Kibubu lana estreinatuko dute Marie de Jongh eta Tartean konpainiak. 6 urtetik gorako umeentzako lana da, keinu bidezko clown ikuskizuna.

Teatro Paraiso taldeak, Lorategian pieza aurkeztuko du urtarrilaren 3an eta 4ean.

IKUSKIZUNAK

Noiz. Gaurtik, urtarrilaren 4ra arte.

Non. Bilboko Alondegian.