Uretako txirrista erraldoi bat Zurriolan

Aurtengo festen egitarauko berritasunetako bat izan da uretako txirrista erraldoia. Zurriolako pasealekuan jarri dute, 50 metro da luze, eta uraren gainean egiten da txirrista. Eguraldia lagun, ilara luzeak sortu dira egunotan —atzokoa zuen azken eguna—, eta oso harrera ona izan du haur zein helduen artean. Flotagailu puzgarriak ere erabil daitezke are abiadura handiagoa lortzeko, argazkian ikus daitekeen bezala.